【社會主義好】虎頭版手電筒

細個我大陸阿婆一家就係用呢種手電筒，鐵皮圓筒型，入兩粒C電，用玻璃鎢絲燈膽，前端好似可以轉動調較光線聚焦（除非唔可以），得一個機械式開關制，簡單易用，據聞MAGNITE都係抄佢，當然MAGNITE可以掟死狗，佢一定唔可以除非你係絕地武士能夠將佢當成激光劍使用（確係有點似）。今時今日，手機都有電筒功能，真正嘅手電筒主要應用於防災及危急關頭，關鍵是操作簡單（阿婆都識用），備用時間長，以及電池容易獲得，所以現在日本廠商仍然不斷生產此類型電筒，設計幾十年來都沒有改變。呢支私伙嘢我真係家居常備，去WILD CAMP都係靠佢，DAISY RIDLEY問我借我都冇啋佢。